راوڕووتی بەكرێگیراوانی رێژیم لە ناوچەی رەبەت بە ناوی پێشمەرگەی حیزبی دێموكراتی كوردستانەوە


20 / 2 / 2010
کوردستان و کوردنیوز: هێزه‌کانی رێژیم به‌ مه‌به‌ستی ناوزراندنی هێزی پیشمه‌رگه‌ به‌ ناوی پێشمه‌رگه‌وه‌ خه‌ڵکی رووت ده‌که‌ن و به‌ زۆر پووڵ له‌ خه‌ڵکی ده‌ستێنن.
لە حەوتووی رابردوودا پێنج چەكداری بەكرێگیراوی رێژیم هه‌ر به‌و مه‌به‌سته‌ چوونه‌ته‌ چەند گوندێكی ناوچەی رەبەت وەكوو وڵیو، وەرگێڵ، دەراوی دۆڵەتوو و شێوەجۆ.
ئەو بەكرێگیراوانە خۆیان بە پێشمەرگەی حیزبی دێموكراتی كوردستان ناساندوە و داوای یارمەتییان لە خەڵك كردوە.
هەروەها هەر لەم ماوەیەدا 4 بەكرێگیراوی رێژیم بە ناوەكانی مەحموود نازری، عومەر بەڵاوەیی، ئەبووبەكر بانەزێڕی و سەید قادر لیلانەیی بە مەبەستی ئەزیەت و ئازار و فشار هێنان بۆ خەڵكی ئەو ناوچەیە بە تایبەت ئەو كەسانەی كە پێشتر پێشمەرگە بوونە دەچنە گوندەكان و داوایان لێ دەكەن كە هاوكاری رێژیم بكەن.
کۆمیسیۆنی ته‌شکیلاتی حیزبی دێموکڕاتی کوردستان له‌ روونکردنه‌وه‌یه‌ک دا به‌ کوردستان و کورد نیوزی راگه‌یاند که‌ پێویستە خەڵكی كوردستان بە گشتی و خەڵكی ناوچەی رەبەت بە تایبەتی ئاگادار بن كە بە هیچ شێوەیەك فریوی ئەو جاشانە و سیاسه‌ته‌کانی رێژیم نەخۆن كە بە مەبەستی وەرگرتنی پارە خۆیان بە پێشمەرگە دەناسێنن.

 

نوشته شده در تاریخ یکشنبه 2 اسفند 1388    | توسط: be sansor    |    | نظرات()